संसद अवरुद्ध पारेर एमालेले अलोकतान्त्रिक चरित्र देखायोः मन्त्री केसी

admin

चितवन,पुस ९ –

सहरी विकासमन्त्री अर्जुन नरसिंह केसीले राष्ट्रिय महत्त्व र निर्वाचन सम्बन्धि विषयहरुलाई संसद प्रवेश गर्न नदिएर एमालेले घोर अलोकतान्त्रिक चरित्र प्रदर्शन गरेको बताउनुभएको छ ।

शनिबार नेपाली कांग्रेस चितवनले आयोजना गरेको कार्यकर्ता भेटघाटलाई सम्बोधन गर्दै मन्त्री केसीले मुलुकसामु संविधान कार्यान्वयनको कुनै विकल्प नरहेका बेला कार्यान्वयनलाई सरकारको मात्र दायित्व ठान्नु गलत रहेको बताउनुभयो ।

त्यसक्रममा मन्त्री केसीले पार्टीभित्र कसैको पक्षपोषण भन्दा पनि संस्थागत विकासमा जोड दिने प्रवृत्ति बिकसित हुनुपर्नेमा समेत जोड दिनुभयो ।

कार्यक्रममा उद्योगमन्त्री नबिन्द्रराज जोशीले संविधान कार्यान्वयनको दायित्व पूरा गर्न सरकार जिम्मेवार रहेको बताउँदै पार्टीगत आग्रहका आधारमा संविधान कार्यान्वयनलाई हेरिनु दुःखद रहेको बताउनुभयो ।