नेपालगन्ज,पुस  ६ –

पश्चिम नेपालका पाँच जिल्लामा दासत्वको जिवन विताईरहेका झण्डै तीन सय कमलरीको अझै उद्दार हुन सकेको छैन ।बाँके, बर्दिया, कैलाली, कञ्चनपुर र दाङ्गमा अझै पनि कमलहरी रहेको मुक्त कमलरी विकास मञ्चले जनाएको छ । बाँकेमा रहेका ६ सय ५० कमलरी मध्ये २० जना कमलरीको अझैं उद्दार हुन सकेको छैन ।

सरकारले कमलहरी मुक्त घोषणा गरेको तीन वर्ष पूरा भइसकेको छ । अहिलेसम्म देशभर कुल १२ हजार सात सय कमलरीको उद्दार गरिएको छ । मुक्त घोषणा भएको लामो समयसम्म पनि आफूहरुको बारेमा सरकार गम्भीर नभएको गुनासो मुक्त कमलहरीको छ ।
मुक्त कमलरी विकास मञ्च बाँकेकी अध्यक्ष दिलकुमारी चौधरीले राज्यले मुक्त कमलरीलाई बेवास्ता गरेकोमा दुःखी भएको बताउनुभयो । सरकारले २०७० असार १३ गते कमलरी मुक्त घोषणा गरेको थियो ।