गहना सहितको झोला दिनेलाई एकलाख पुरस्कार

दाङ,पुस ६-

एकजना महिलाको चार तोला सुनका गरगहना सहितको हातेव्याग हराएको छ । दाङको मानपुर गाविस मज्गै स्थित माईती घर बाट बाँकेको नेपालगञ्ज स्थित घर जान लागेको सयममा सृजना केसीको सोमवार विहान ९ बजेतिर झोला सहित गरगहना हराएपछि उनले उक्त झोला र सुन फिर्तागर्ने व्यक्तिलाई एकलाख पुरस्कार दिने घोषणा गरेकी छिन् ।

पत्रकारलाई सम्पर्क गरि उनले त्यस्तो प्रतिवद्धता जनाएकी हुन । केसीका अनुसार सोमवार विहान उनी राप्ती अञ्चल सार्वजनिक वस व्यवासयी समितिको ८१६ नम्वरको वसमा यात्रारत रहँदा झोला सहित झन्डै चार तोला जतिको सुनका गरगहना र चादीको पाउजु समेत हराएको थियो । उनले तुलसीपुरको वसपार्कमा वसमै झोला छोडेर टिकेट काटेर फर्किने समयमा आफ्नो व्याग चोरी भएको बताएकी छन् ।

केसीले झोला र सुन फिर्ता गर्ने व्यक्तिले ९८२२४५७८२० नम्वरको आफनो मोवाईल नम्वर वा तुलसीपुर निवासी दाजु विष्णु भण्डारीको ९८०९८४१५८१ नम्वरमा सम्पर्क गर्ने व्यक्तिलाई नगद एकलाख रुँपैया प्रदान गर्ने प्रतिवद्धता जनाएकी छन् ।

केसीका अनुसार उनी माईतमा आफन्तको विवाहमा आएकी थिइन । र फर्कदै गर्दा झोलामा राखेको एक तोलाको एक थान मंगलसुत्र , बाला दुई थान तोलाको , औंठी दूईथान ६ आनाको, टप एक जोडि ५ आनाको , छड्के तिरहरी १ थान १२ आनाको जन्तर १ थान ४ आनाको र एक जोडि पायल सहितको झोला हराएको जानकारी दिएकी हुन ।