कतार नेपालको जलविद्युतमा लगानी गर्न इच्छुक
काठमाडौँ, मंसिर २०-
कतार नेपालको जल विद्युत क्षेत्रमा लगानी गर्न इच्छुक देखिएको छ । कतारका राजदुत युसूफ महोम्मद अलीले नेपाल चेम्बर अफ कमर्सका पदाधिकारीसँगको भेटमा नेपालको जलविद्युत क्षेत्रको विकासमा लगानी गर्न आफनो मुलुक इच्छुक रहेको बताए ।
काठमाडौको जमलस्थित चेम्बर अफ कर्मसको भवनमा सोमबार भएको भेटवार्ता दुई देशबीच हुने व्यापारका विविध क्षेत्रको विषयमा छलफल भएको थियो । राजदुत अलीसँगको भेट पछि संचारकर्मीसँग कुरा गर्दै नेपाल नेम्वर अव कमर्सका अध्यक्ष राजेशकाजी श्रेष्ठले कतार नेपालको जलविद्युत क्षेत्रमा लगानी गर्न इच्छुक रहेको बताए ।
उनले नेपाली कामदारलाई स्वदेशमै काम गर्ने अवसर सृजना गर्न पनि कतारले सहयोग गर्न सक्ने भन्दै राजदुत अलिको ध्यानाकर्षण गराइएको पनि जानकारी दिए ।
कतार नेपाली कामदारलाई रोजगारी दिने मुलुकहरुकेा अग्रपंक्तिमा पर्दछ । राजदुत अलिले नेपालमै रोजगारीकेा अवसर सृजना गर्न नेपालका व्यापारीहरुसँग आवश्यक परामर्श गर्ने प्रतिवद्धता पनि व्यक्त गर्नु गरे ।
कतारले नेपालको जलविद्युत क्षेत्रको लगानीका लागि आवश्यक छलफल गर्न एक कम्पनीलाई नेपाल पठाउने तयारी गरेको चेम्बर अफ कमर्सका अध्यक्ष श्रेष्ठले जानकारी दिए ।
कतारले नेपाली कामदारलाई उच्च प्राथमिकता दिँदै रोजगारीको अवसर प्रदान गरेपछि नेपाल नेम्बर अफ कमर्सले त्यहाँको लगानी भित्रयाउन द्धिपक्षीय छलफललाई निरन्तरता दिँदै आएको छ ।
