चितवन, मंसिर १७–

राष्ट्रिय प्रजातन्त्र पार्टीका नेता तथा भूमी सुधार तथा व्यवस्था मन्त्री विक्रम पाण्डेले राष्ट्रियता रक्षाको निम्ति पार्टी एक भएको बताउनुभएको छ ।
आज चितवनको पाटी एकीकरण सभामा बोल्दै मन्त्री पाण्डेले राजनीति संभावनाको खेल भएकाले विगतमा कमीकमजोरी भुलेर अब नयाँ तरिकाले अघि बढेको बताउनुभयो । आगामि निर्वाचनमा राप्रपाले बलियो प्रतिनिधित्व समेत गर्ने उहाँको भनाई थियो । मन्त्री पाण्डेले आफू चितवनबासी भएकाले जिल्ला पार्टीलाई एकीकृत र व्यवस्थित गर्दै लैजाने प्रतिवद्धता जनाउनुभयो । उहाँले भन्नुभयो–“पार्टी अझै बलियो बनेको छ, म कुनै कमीकमजोरी आउन दिन्न, मेरो सहयोग सदा रहन्छ ।”
कार्यक्रममा बोल्दै साँसद गणेश थापाले पार्टीको एजेन्डा कहिल्यै परिवर्तन नहुने भन्दै यसप्रति सबै विश्वस्त भएर लाग्न आग्रह गर्नुभयो ।