एसईई नतिजा प्रकाशनको तयारी अन्तिम चरणमा

काठमाडौँ । माध्यमिक शिक्षा परीक्षा (एसईई) २०८१ को नतिजा सार्वजनिक गर्ने प्रक्रिया अन्तिम चरणमा पुगेको छ । परीक्षा नियन्त्रक डा. गणेश भट्टराईका अनुसार अहिले नतिजा तयारीको अन्तिम काम भैरहेको जानकारी दिए । भटराईले नतिजा सार्वजनिक गर्नका लागि आज परीक्षा बोर्डको बैठक बस्ने बताए ।

“हामी नतिजाको अन्तिम तयारीमा छौं, तर प्रकाशित गर्ने निर्णय भने बोर्ड बैठकबाट नै गर्नुपर्ने हुन्छ,” भट्टराईले भने, “आजै बोर्ड बैठक बस्ने सम्भावना छ ।” यसैबीच, राष्ट्रिय परीक्षा बोर्डका सदस्य सचिव जंगबहादुर अर्यालले पनि आज बैठक बस्ने तयारी भए पनि यसको ठोस समय तय भइनसकेको बताए ।

२०७८ सालको एसईई परीक्षा चैत ७ गतेदेखि सञ्चालन भएको थियो। उक्त परीक्षामा नियमिततर्फ ४ लाख ३१ हजार ४६६ र ग्रेड वृद्धि तर्फ ६७ हजार ७१५ जना विद्यार्थी सहभागी भएका थिए । कुल सहभागी संख्या ४ लाख ९९ हजार १८३ रहेको छ ।