देउसामा कृषकलाई प्लाष्टिक टनेला बितरण

सोलुखुम्बु । थुलुङ दुधकोशी गाउँपालिका-७ देउसाले प्लाष्टिक टनेला वितरण गरेको छ । वडा कार्यालयमा दर्ता गरेका कृषक तथा कृषि समुहलाई मागको आधारमा उक्त टनेला वितरण गरिएको वडा अध्यक्ष भोजराज कार्कीले जानकारी दिए ।

कार्कीका अनुसार वडा कार्यालयको पचास प्रतिशत अनुदानमा ६० थान प्लाष्टिक टनेल वितरण गरिएको छ ।कृषिमा आत्मानिर्भर बनाउनको लागि बीउ बिजन देखि प्रविधि लगायतमा वडाले बजेट व्यवस्था गरि काम गरिरहेको भन्दै वडा अध्यक्ष भोजराज कार्कीले आर्थिक र सामाजिक विकास महत्वपुर्ण रहेको बताए । भौतिक विकास संगै सामाजिक तथा आर्थिक विकासलाई एकैसाथ लान नसक्दा देशमा गरिबी न्यूनीकरण नभएको हुँदा युवाहरु विदेशीनु परेको उहाँको भनाई छ ।

कृषि कार्य भइरहेको भएपनि व्यवसायिक नहुँदा समस्या रहेकाले व्यवसायिक खेति प्रणालिको विकासमा जोड दिइएको उहाँको भनाई छ । राज्यबाट वितरण हुने अनुदानमा पहुँचवालाले मात्रै लाभ लिने गरेको भन्दै वडा अध्यक्ष कार्कीले वास्तविक कृषकलाई अनुदानको पहुँचमा पुर्‍याउने प्रयास भइरहेको बताए । एकै क्षेत्रका नागरिकले थोरै थोरै उत्पादन गरेपनि धेरै हुने र बजार पाउने वडा अध्यक्ष कार्कीको विश्वास छ ।

प्लाष्टिक टनेला वितरण कार्यक्रममा वडा सदस्य तथा कार्यापालिका सदस्य सरिता राई, लिलामान तामाङ र रोशन राई लगायतको उपस्थिति रहेको थियो । अब तत्काल कृषि प्राविधिकलाई खटाएर जग्गा छनौट गरि एक महिना भित्र निर्माण गरिसक्ने र बीउ बीजन प्रदान गरिने वडा सदस्य सरिता राईले बताउँनुभयो । बेमौसमी तरकारी उत्पादन हुँदा यहाँका कृषकको आम्दानीमा वृद्धि उहाँको भनाई छ ।