काठमाण्डौ । परराष्ट्र मन्त्रालयका नवनियुक्त सचिव अमृतबहादुर खालिङ राईले पदभार ग्रहण गरेका छन् ।

मंगलबार बसेको मन्त्रिपरिषद बैठकले उनलाई सचिवमा बढुवा गरेपछि बुधबार उनले कार्यभार सम्हालेका हुन् ।

तत्कालीन परराष्ट्र सचिव सेवा लम्साल अवकाश अघि नै बेल्जियमको राजदूतमा सिफारिस भएपछि खालिङ राईलाई कायममुकायम सचिवको जिम्मेवारी दिइएको थियो ।

लम्साल संसदीय समितिबाट अनुमोदन भएर राजदूत नियुक्त भएपछि सरकारले खालिङराईलाई सचिवमा बढुवा गरेको छ ।