भरत लिमेल मगरको “तिम्रै मोया छ” सार्वजनिक (भिडियोसहित)
काठमाडौ । गायक भरत लिमेल मगरको ‘तिम्रै मोया छ’ को म्युजिक भिडियो सार्वजनिक भएको छ ।
दिनेश सुवेदीको शब्द तथा करसाङ लामाको सङ्गीत रहेको उक्त गीतमा गायक मगरसँगै चर्चित गायिका अस्मिता अधिकारीको स्वर रहेको छ ।
उक्त म्युजिक भिडियोमा चर्चित नायिका रस्मिला तामाङ तथा जीवन बस्नेत, किरन मगर, राजु श्रेष्ठ, परिश्ना बस्तोला र भर्खरै सम्पन्न ‘खोटाङ प्रतिभा–२०८०’ अन्तरगत नृत्य विद्याका उपविजेता सुवास विश्वकर्माले अभिनय गरेका छन् ।
म्युजिक भिडियोकोे निर्देशन राजु श्रेष्ठ, मनोज तामाङको कोरियोग्राफी रहेको छ भने बासु नेउपानेको छाँयाङ्कन, अर्जुन खड्काले सम्पादन रहेको छ ।
रावासावा प्राज्ञिक समाज नेपालका महासचिव तथा खोटाङ कलाकार समाज काठमाडौँमा समेत आबद्ध रहेका गायक लिमेल मगरको यो सातौँ गीति सङ्ग्रह हो । उनले यसअघि मायाको आशैमा, भञ्ज्याङ र चौतारी, मनको कुरा, साहरा र तिम्लाई पाउँजस्ता गीति सङ्ग्रह बजारमा ल्याइसकेका छन् ।
