माप्यमा सन्चालित निशुल्क मोतिबिन्दु छनोट शिविर सम्पन्न
२३ जना मोतिबिन्दु बिरामी छानिए
सोलुखुम्बु । माप्यदुधकोशी गाउँपालिकामा सन्चालन भएको निशुल्क मोतिविन्दु छनौट शिविर सम्पन्न भएको छ ।
सोमबार ८ गते प्राथमिक अस्पताल माप्यदुधकोशी ३ खास्तावबाट शुरु भएको मोतिबिन्दु छनोट कार्यक्रम ९ गते कोफु स्वथ्य चौकी हुँदै आज माप्यदुधकोशी ६ वाकु स्वास्थ्य चौकिमा सम्पन्न भएको हो ।
तीन स्थानमा सन्चालन गरिएको शिविरमा ५५० जनाले आँखा परिक्षण गराएका जिल्ला सामुदायिक आँखा केन्द्र फाप्लुका आँखा कार्यकर्ता दिनेश राईले जानकारी दिए । खास्तावमा ८, कोफुमा ४ जना र वाकुको शिविरबाट ११ जना गरी २३ जना मोतिबिन्दुका बिरामी छनोट गरिएको राईले बताए ।
जिल्ला सामुदायिक आँखा केन्द फाप्लुले तिलगंगा आँखा प्रतिस्ठान काठमाण्डौँको सहकार्यमा खुम्बु पासाङ ल्हामु गाउँपालिका बाहेकका सबै नर पालिका र गाउँपालिकाहरुमा निःशुल्क मोतिविन्दु छनौट शिविर सञ्चालन गरिरहेको छ ।
उक्त शिविरबाट छनौट भएका मोतिविन्दुका बिरामीहरुको आँखा असोज २८ र २९ गते फाप्लुमा सशुल्क अप्रेशन गरिने आँखा केन्द्र प्रमुख विधान ताम्राकारले बताए ।
माप्यदुधकोशीको शिविरबाट छनौट भएका मोतिविन्दुका बिरामीहरुलाई शल्यकृयाका लागि फाप्लुसम्म आउने–जाने यातयात खर्च गाउँपालिकाले बेहोर्ने माप्यदुधकोशी गाउँअपालिकाले जनाएको छ ।
