थुलुङ दुधकोशिमा चौथो अध्यक्ष तथा राष्ट्रपति रनिङ शिल्ड प्रतियोगिता सुरु

गाउले सम्बाददाता

सोलुखुम्बु । थुलुङ दुधकोशी गाउँपालिका चौथो अध्यक्ष रनिङ शिल्ड तथा १३ औँ राष्ट्रपति रनिङ शिल्ड प्रतियोगिता आजबाट सुरु भएको छ ।

आजबाट सन्चालन भएको कार्यक्रम प्रदेश १ का सामाजिक विकास मन्त्री बुद्धिकुमार राजभण्डारीले उद्घाटन गरेका हुन् ।

थुलुङ दुधकोशी गाउँपालिकाका अध्यक्ष अशिम राईको सभापतित्वमा सम्पन्न उद्घाटन कार्यक्रममा प्रदेश सांसद गोम्बु शेर्पा, प्रमुख जिल्ला अधिकारी बसन्त भट्टराई र छिमेकी पालिकाका जनप्रतिनिधिहरुको उपस्थिति थियो ।चौथो अध्यक्ष रनिङ शिल्डमा महिला तथा पुरुष भलिवल प्रतियोगिता र स्थानीय तह स्तरीय राष्ट्रपति रनिङ शिल्ड प्रतियोगिता सञ्चालन हुने गाउँपालिकाले जनाएको छ ।

गाउँपालिकाले जनाए अनुसार स्थानीय तथा राष्ट्रिय स्तरका कलाकारहरुको साथमा भव्य साँस्कृतिक साँझको समेत आयोजना गरिएको छ।