काठमाण्डौ । काठमाडौंको कोटेश्वरमा दुईवटा सार्वजनिक गाडीमा बन्दकर्ताहरुले तोडफोड गरेका छन् ।

बन्द गराउँदै हिँडेका विप्लव नेतृत्वको नेपाल कम्यूनिष्ट पार्टीका कार्यकर्ताले गाडी तोडफोड गरेको बताएको छ । कोटेश्वरको आकाशे पुल नजिक बा‍। ४ ख ९३९४ नम्बरको बसमा तोडफोड गरिएको छ । ‘महासागर’ लेखिएको बसको अगाडीको भागमा क्षति पुगेको छ । त्यस्तै भाटभटेनी अगाडी बा।३ ख ७९०६ नम्बरको हाइस गाडी तोडफोड गरिएको छ । माइक्रोबसको अगाडीको भागको सिसा फुटेको छ ।

पठाओ चढेर आएका युवकले बस तोडफोड गरेका हुन् । बस तोडफोड गर्ने एकजना युवकलाई प्रहरीले पक्राउ गरेको छ ।