सोलुमा भदौ ३ बाट नवौँ राष्ट्रिय खेलकुदका लागि खेलाडी छनौट

गाउले सम्बाददाता

काठमाण्डौ । नवौँ राष्ट्रिय खेलकुद प्रतियोगिताका लागि सोलुखुम्बुमा भदौ ३ गतेबाट खेलाडी छनौट हुने भएको छ ।

पोखरामा आगामी असोज २८ गतेदेखि कार्तिक ३ गतेसम्म हुन लागेको प्रतियोगिताका लागि जिल्लामा भदौ ३ देखि ७ गते सम्म खेलाडी छनौट प्रतियोगिता हुने जिल्ला खेलकुद विकास समिति सोलुखुम्बुले जनाएको छ ।

जिल्लाबाट महिला/पुरुष भलिबल, कर्वडि, व्याडमिन्टन, एथ्लेटिक्स, चेस, आर्चरी, टेबल टेनिस, पुरुष फुटबल र मार्सल आर्ट तर्फ कराँते, तेक्वान्दो र जुडोका खेलाडीहरु छनौट गरिने छ ।

छनौट लागि भदौ २ गते भित्रमा आवेदन दिन सकिने जिल्ला खेलकुद विकास समितिका कार्यालय प्रमुख नेत्र प्रसाद घिमिरेले बताए। जसका लागि पासपोर्ट साइजको फोटो ३ प्रति र नागरिकता तथा जन्मदर्ता प्रमाण पत्रको फोटोकपी १ प्रति पेश गर्नु पर्ने छ ।