सांसद राईको पहलमा नेचासल्यानमा सिटिइभिटिको आंगिक शिक्षालय स्थापना हुने

गाउले सम्बाददाता

काठमाण्डौ । सोलुखुम्बुको नेचासल्यान गाउँपालिकामा आंगिक शिक्षालय स्थापना हुने भएको छ । प्राविधिक शिक्षा तथा व्यवसायिक तालीम परिषद् भक्तपुरले आंगिक शिक्षालय स्थापनाका लागि अनुमती दिएको हो ।

संघिय सांसद हेमकुमार राई “सुरवीर” को पहलमा नेचासल्यान गाउँपालिकामा आंगिक शिक्षालय स्थापना गर्ने अनुमति प्राप्त भएको हो । शिक्षालय स्थापनाका लागि ३५ रोपनी जग्गाको आवश्यक पर्ने छ । आफ्नै भौतिक संरचना सहित शिक्षालय स्थापना हुने सांसद राईको सचिवालयले जनाएको छ ।

जिल्लाबाट हजारौ विद्यार्थी प्राविधिक शिक्षा तथा सिपमुलक तालिम लिनका लागि ठुलो रकम खर्चिएर बाहिर जानुपर्ने बाध्यतात्मक स्थिती रहेकाले यसको अन्त्यका लागि शिक्षालय स्थापना गर्न लागिएको सांसद राईले बताए ।