एसईईको नतिजा साउन पहिलो सातामा सार्वजानिक हुने

गाउले सम्बाददाता

काठमाण्डौ । २०७९ वैशाख ९ गतेदेखि २० गतेसम्म सञ्चालन भएको २०७८ सालको माध्यामिक शिक्षा परीक्षा एसईईको नतिजा साउन पहिलो हप्ता सार्वजनिक हुने भएको छ ।

यसअघि असार मसान्तभित्र नतिजा सार्वजनिक गर्ने माध्यामिक शिक्षा परीक्षा कार्यलयले बताउँदै आएको थियो । सबै परीक्षण केन्द्रहरुबाट विद्यार्थीको उत्तरपुस्तिका केन्द्रमा ल्याउन बढी समय लागेकाले नतिजा सार्वजनिक गर्न ढिलाइ भएको हो ।

देशभरका ५६ परीक्षण केन्द्रहरुबाट उत्तरपुस्तिका असार २१ गते एसईई परीक्षा नियन्त्रण कार्यलयमा जम्मा भएको थियो । राष्ट्रिय परीक्षा बोर्डले यो वर्ष विद्यार्थीहरुको प्राप्ताङ्क प्रदेशले नै अपडेट गर्ने बताउँदै आएको थियो । तर, प्रदेशमा अपडेट गर्ने सफ्टवेयर जडान तुरुन्तै नभएकोले यो पटक केन्द्रबाटै सबै नतिजा सार्वजनिक हुने भएको छ ।