सोलुखुम्बुबाट विराटनगर जाँदै गरेको जिप ओखलढुंगाको हर्कपुरमा दुर्घटना भएको छ । बुधबार बिहान करिब ९ः३० बजे मानेभञ्ज्याङ गाउँपालिका– ६ भडारे खोलानजिकै दुर्घटना भएको थियो ।
जिपमा ९ जना सवार रहेकामा २ जनाको घटनास्थलमै मृत्यु भएको र अन्य घाइतेको उद्धारकार्य जारी रहेको जिल्ला प्रहरी प्रमुख प्रहरी नायव उपरीक्षक सुकदेव खनालले जानकारी दिए । घाइतेहरूको उदयपुरको घुर्मीस्थित स्वास्थ्य संस्थामा उपचार भइरहेको छ ।
गम्भीर घाइतेको हेलिकोप्टरबाट उद्धार गरेर काठमाडौं रेफर गर्ने तयारी भइरहेको छ । सवारी नम्बर, मृतक र घाइतेको पहिचान खुल्न बाँकी रहेको प्रहरीले जनाएको छ । सडकबाट झरेको जिप भिरमा अड्किएको छ
