सोलुखुम्बुमा हिउँमा चिप्लेर सुमो दुर्घटना हुँदा तीन घाइते
काठमाण्डौ । हिउँमा चिप्लिएर सोलुखुम्बुमा सुमो दुर्घटना हुँदा तीन जना घाइते भएका छन् । आज विहान ११ बजे गोरा–टाप्टिङबाट सल्लेरी आउदै गरेको ना १ ज ६१७७ नम्बरको सुमो सोलुदुधकुण्ड नगरपालिका ७ भित्ताखर्कको भित्रि सडकमा हिउँमा चिप्लिएर दुर्घटना हुदा सुमोमा सवार तीन यात्रु घाइते भएका हुन् ।
सोलुदुधकुण्ड ८ का दिलिप मगर , राज कुमार मगर र थुलुङ दुधकोशी १ नेलेकी सपना कार्की घाइते भएका छन् ।
दुर्घटनाबारे स्थानीयले खबर गरेपछि घटनास्थलमा प्रहरी पुगेको थियो । घाइतेहरुको बाहिरी शरिरमा चोट नलागेको जिल्ला प्रहरी कार्यालयले जनाएको छ । घाइते तीनै जनाको जिल्ला अस्पताल फाप्लुमा उपचार भइरहेको छ ।
