तिब्बतीयनलाई नागरिकता दिलाउन सहयोग गरेको आरोपमा सोलुका ४ पक्राउ
सोलुखुम्बु । सोलुखुम्बुमा तिब्बतियन नागरिकलाई नागरिकता दिने प्रक्रियामा सहयोग गरेको आरोपमा ४ जनालाई प्रहरीले नियन्त्रणमा लिएको छ । जिल्ला प्रहरी कार्यालयको टोलीले सोलुदुधकुण्ड नगरपालिका २ बाट शुक्रबार उनीहरुलाई नियन्त्रणमा लिएको हो ।
जिल्ला प्रशासन कार्यालयमा नागरिकता बनाउन सिफारिस लिएर आएका ब्यक्तिमाथि कर्मचारीले शंका व्यक्त गरेपछि अनुसन्धान थालिएको थियो । सिफारिस लिने व्यक्ति तिब्बतीयन भएको खुलेपछि सिफारिस दिलाउने प्रक्रियामा सहयोग गरेको आरोपमा सोलु बेनीका ४ व्यक्तिलाई नियन्त्रणमा लिएर अनुसन्धान थालिएको छ ।
पक्राउ परेका व्यक्तिलाई म्याद थप गरेर अनुसन्धानको तयारी गरिएको छ । घटनाबारे विस्तृत जानकारी छानबिनपछिमात्र दिने प्रहरीले बताएको छ ।
