- TRENDING
- ENGLISH
हालको खबर
मोटरसाईकल दुर्घटनामा सोलुखुम्बुका सन्तोष बस्नेतको मुत्यु
काठमाण्डौं । मोटरसाईकल दुर्घटनामा परि थुलुङ दुधकोशी गाउँपालिका १ सोलुखुम्बुका सन्तोष बस्नेतको मुत्यु भएको छ । कोशी राजमार्गअन्तर्गत सुनसरीको इटहरी र धरानको बीचमा पर्ने सेउती खोलामा मोटरसाइकल दुर्घटना भएको हो ।
बुधबार राति दक्षिणतर्फ जाँदै गरेको को १ व २४३८ नम्बरको मोटरसाइकल अनियन्त्रित भएर दुर्घटना हुँदा गम्भिर घाइते हुनुभएका बस्नेतको उपचारका क्रममा धरानस्थित बिपी कोइराला स्वास्थ्य विज्ञान प्रतिष्ठानमा मृत्यु भएको प्रदेश–१ ट्राफिक प्रहरी कार्यालयका प्रहरी नायब उपरीक्षक सुमन तिम्सिनाले जानकारी दिए । बस्नेत मोरङको डङ्गाहास्थित सशस्त्र प्रहरी बेस क्याम्पमा सशस्त्र प्रहरी नायब निरीक्षकमा कार्यरत रहेको बताईको छ ।
