माओबादी केन्द्र माप्यदुधकोशी एकको वडा अधिवेशन सम्पन्न

सोलुखुम्बु । नेकपा (माओबादी केन्द्र) सोलुखुम्बुले पार्टिको वडा सम्मेलन सुरुवात गरेको छ ।
आज (सोमबार) जुभिङमा सम्पन्न वडा अधिवेशनले माप्य दुधकोशी गाँउपालिका वडा नं. १ को अध्यक्षमा मणिराम राई चयन गरेको छ । उक्त वडा सम्मेलनले राईको अध्यक्षतामा २९ सदस्यीय वडा कमिटी सर्वसहमत चयन गरेको नेकपा (माओबादी केन्द्र) माप्यदुधकोशी गाउँपालिका अध्यक्ष प्रकाश राईले जानकारी दिए ।

कमिटीको उपाध्यक्ष श्रीकृष्ण राई, सचिब असारमान राई र सहसचिबमा गिता राई चयन हुनुभएको छ । साथै सोही भेलाले टेक बहादुर विश्वकर्माको संयोजकत्वमा ५१ सदस्यीय वाईसिएल नेपाल र तीन वटा टोल कमिटी गठन गरिएको अध्यक्ष राईले बताए ।

कार्यक्रमलाई सम्बोधन गर्दै नेकपा माओवादी केन्द्र जिल्ला कमिटी सचिव एवं थुलुङदुधकोशी गाउँपालिका अध्यक्ष असिम राईले पार्टी सुदृढीकरणको लागि वडा सम्मेलन महत्वपूर्ण रहेको बताए ।