नेचासल्यानमा हम्मर हानि आफ्नै आमाको हत्या

गाउले सम्बाददाता

सोलुखुम्बु । नेचासल्यान गाउँपालिका ५ की ८२ वर्षिय बडालक्ष्मी राईलाई आफ्नै छोराले फलामको हम्मर हानेर मारेका छन् ।
पैसाको विषयमा विवाद हुदा फलामको हम्मरले टाउकोमा हिर्काएको मृतककै कान्छो छोरा लक्ष्मण राईलाई स्वीकार गरेकको जिल्ला प्रहरी कार्यालयले जनाएको छ ।

असोज ३ गते आईतबार आफ्नै घरमा टाउकोमा चोट लागेको अवस्थामा फेला परेकी बडालक्ष्मीको स्थानीयले अस्पताल लैजादै गर्दा बाटैमा मृत्यू भएको थियो । प्रहरीले मृतकका छोरा लक्ष्मण राईलाई पक्राउ गरि अनुसन्धान सुरु गरेको थियो ।

अनुसन्धानका क्रममा राईले पैसाको विषयमा वादविवाद हुदा फलामको हम्मरले टाउकोमा हिर्काएको र सोही कारण बडालक्ष्मीको मुत्यु भएको स्विकार गरेको प्रहरीले जनाएको छ । घटनाको थप अनुसन्धानका लागि जिल्ला अदालत सोलुखुम्बुले १० दिनको म्याद थप गरेको छ ।