गायिका राईको ‘जुनेली देख्दा’ बजारमा भिडियो सहित

काठमान्डौ। गायिका सीता राईको ‘जुनेली देख्दा’ डिजिटल बजारमा आएको छ । अर्जुन राईको प्रस्तुतीमा रहेको गीतको बुधबार बरिष्ठ साहित्यकार भूपाल राईको प्रमुख आतिथ्यतामा एक कार्यक्रमका बीच लोकार्पन गरिएको छ ।

टीका चाम्लिङको शब्द, जसिहाङ राईको संगित र शहास शाक्यको संगीत संयोजन रहेको छ । संगीतमा डीग्री गर्नुभएकी गायीका राई सोलुखुम्बुको थुलुङ दुधकोशी गाउँपालिका–८ निवासी हुनुहुन्छ ।

चाबहिलको एक होटलमा उक्त गीतको लोकार्पण पछि बरिष्ठ साहित्यकार राईले गीतको शब्द र संगीत उत्कृष्ट रहेको भन्दै प्रशंसा गर्नुभयो । मौलिकता र सरलतामा ‘जुनेली देख्दा’ पाईएको उहाँको भनाई छ ।

समाज रुपान्तरणका निम्ती गीत संगीतले खेलेको भूमिका उच्च रहेको भन्दै उहाँले राज्यले समेत बुझ्न आवश्यक रहेको बताए । एक दुई वटा गीत लेख्दैमा रचनाकार, एक दुई वटा गीत गाउँदैमा गायककार नहँुने भन्दै यसमा निरन्तरता आवश्यक रहेकोमा जोड दिए ।

यस्तै संगीतकार जसिहाङ राईले गीत संगीतमा प्रयोग हुने शब्द नै आजको सांगीतिक क्षेत्रको चुनौती रहेको बताए । जसको लागि सर्जक र गायकले विशेष ध्यानपु¥याउनुपर्नेमा जोड दिए । गाउले इन्टरटेन्टमेन्टको पोष्ट प्रोडक्शनमा निर्मित स्टुडियो भिडियोमा छायाङकन र सम्पादन गंगारामको रहेको छ ।