सोलुखुम्वु काङ्ग्रेसको क्रियाशिल सदस्य फारम सभापतिको हातमा

Gaule News

नेपाली काङ्ग्रेस सोलुखुम्बुले लामो समयपछि क्रियाशिल सदस्यताको फारम प्राप्त गरेको छ । एक हजार ७ सय ३० नविकरण र १ हजार ७ सय ३० नयाँ सदस्यताको फारम प्राप्त गरेको नेपाली काङ्ग्रेस सोलुखुम्बुका प्रचारपसार विभाग प्रमुख नविन थापाले जानकारी दिएका छन।

नेपाली काङ्ग्रेसका सभापति शेरबहादुर देउवा र सोलुखुम्बुका सभापति बिनोद बस्नेत सहितको समूहको आज बिहान सम्पन्न छलफलपछि सभापतिले फारम बुझेको बताइएको छ ।जिल्लामा रहेको विधि र प्रक्रियामा सबैलाई सहभागी गराई क्रियाशिल वितरण गर्नुपर्ने सभापति देउवाको निर्देशन छ ।नेपाली काङ्ग्रेसको केन्द्रीय समितिको निर्णय अनुसार माघ मसान्त भित्र प्रत्येक जिल्लाले क्रियाशिल पठाउनुपर्ने भएपनि सोलुखुम्बु, सप्तरी, बारा र सिन्धुपालचोक सहित पाँच जिल्लाले फारमनै बुझन् सकेका थिएनन् । सोलुखुम्बुमले आज फारम बुझेसंगै अझ बढी विवादीत चार जिल्लाले बुझ्न बाँकी रहेको छ ।