सोलुखुम्बुमा पहिलो चरणको कोरोना खोप अभियान सकियो
सोलुखुम्बु । सोलुखुम्बु जिल्लामा पहिलो चरणको कोरोना (कोभिड-१९) विरुद्धको खोप अभियान सकिएकोे छ । माघ १५ गतेबाट सुरु भएको पहिलो चरणको खोप अभियान सबै स्थानिय तहमा सकिएको जन स्वास्थ्य कार्यलय सोलुखुम्बुले जनाएको छ ।
कोरोना (कोभिड–१९) रोकथाम तथा नियन्त्रणका क्रममा अग्रपंक्तीमा खटिएका स्वास्थ्यकर्मी, महिला स्वास्थ्य स्वयंसेविका, एम्बूलेन्स चालक तथा सरसफाईमा संलग्न कर्मचारी गरी ७ सय २५ जनालाई खोप लगाइएको कार्यालयले जनाएको छ ।
