- TRENDING
- ENGLISH
हालको खबर
सोलुखुम्बु माप्यमा एक महिला माथी खुकुरी प्रहार
सोलुखुम्बु । सोलुखुम्बुको माप्यदुधकोशी गाउँपालिका–६ वाप्साकी एक महिला माथि खुकुरी प्रहार भएको छ । सोमबार साँझ स्थानिय ५५ वर्षिया कुमारी रेग्मी मगरमाथि ७३ वर्षिया सिंह बहादुर रेग्मी मगरले खुकुरी प्रहार गरेको वाकु प्रहरी चौकी इन्चार्ज मनोज कुमार यादबले जानकारी दिए ।
खुकुरी प्रहारबाट महिलाको टाउको र दाहिने हातमा चोट लागेको छ । घाईतेको वाकु स्वास्थ्य चौकीमा उपचार भईरहेको र थप उपचारको लागि जिल्ला अस्पातल फाप्लु पठाउने तयारी गरिरहेको प्रहरी इन्चार्ज यादबले बताए ।
घाँसको विषयमा विवाद हुँदा उहाँ माथि खुकुरी प्रहार भएको बताइएको छ । खुकुरी प्रहार गर्ने सिंह बहादुरलाई प्रहरीले नियन्त्रणमा लिइसकेको पनि वाकु पहरी चौकिले जनाएको छ ।
