प्रदेश स्तरीय पुरुष भलिबल सोलुखुम्बुमा आयोजना हुने

गाउले सम्बाददाता

गाउँले न्युज, सोलुखुम्बु । सोलुखुम्बु जिल्लाको सल्लेरिमा प्रदेश स्तरीय पुरुष भलिबल प्रतियोगिता सञ्चालन हुने भएको छ । मदन भण्डारी स्पोर्टस एकेडेमी प्रदेश १ को आयोजनामा फागुण ६ गतेदेखि १० गतेसम्म प्रतियोगिता सञ्चालन हुने भएको हो ।

मदन भण्डारी स्पोर्टस एकेडेमी सोलुखुम्बुको व्यवस्थापनमा योङ्ग स्टार क्लव दोर्पू बजारको खेल मैदानमा हुने प्रतियोगितामा प्रदेश १ को १४ जिल्लाको टिमको सहभागिता रहने मदन भण्डारी स्पोर्टस एकेडेमी सोलुखुम्बुका अध्यक्ष दिपक राजभण्डारीले जानकारी दिए ।

नेपाल पर्यटन भ्रमण बर्ष २०२० लाई सघाउ पुर्‍याउने उद्देश्यले उक्त भलिबल आयोजना गरिएको अध्यक्ष भण्डारीले बताए । उक्त प्रतियोगिताको बिजेताले क्रमशः एक लाख पचास हजार, एक लाख र पचास हजार नगद पुरस्कार प्रमाण पत्र, मेडल पाउने आयोजकले जनाएको छ ।