गाउँले न्युज, काठमाडौं । काठमाडौंको असनको केलटोलको एउटा घरमा आगलागी भएको छ । शुक्रबार बेलुका साढे ६ बजे घरको चौथो तलाबाट आगो फैलिएको हो ।
काठले बनेको उक्त घरमा ठूलो आगलागी भएको र अरु घरमा पनि फैलिने खतरा बढेकोले आगो निभाउन ४ वटा दमकल पुगेको छ ।

महानगरीय प्रहरी वृत्त जनसेवाका अनुसार काठमाडौं महानगरपालिकाको ३ वटा, ललितपुर महानगरपालिकाको एउटा दमकल र एउटा पानी बोक्ने ट्याङ्करले अहिले आगो निभाइरहेका छन् । आगलागी कसरी सुरु भयो र कति क्षति भयो भन्ने जानकारी आइनसकेको प्रहरीले जनाएको छ ।