सोलुखुम्बुवाट काठमाडौंका लागि छुटेको जिप दुर्घटना, ३ जना गम्भीर घाइते

गाउले सम्बाददाता

गाउँले न्युज, सोलुखुम्बुबाट राजधानी काठमाडौंका लागि छुटेको ओखल्ढुङा यातायातको जिप ओखलढुङ्गाको टोड्केमा दुर्घटना हुदाँ ३ जना गम्भीर घाइते भएका छन् ।

मंगलबार बिहान सोलुखुम्बुको सदमुकाम सल्लेरीबाट राजधानी काठमाडौंका लागि छुटेको ना १ ज ६४१२ नम्बरको १० यात्रु सवार जिप ओखलढुङ्गाको सिद्धिचरण नगरपालिकास्थित टोड्केमा दुर्घटना भएको जिल्ला प्रहरी कार्यालय ओखलढुङ्गाले जनाएको छ ।

बिहान ८ः४५ बजेको समयमा जिप सडकबाट करिब १५० मिटर तल खस्दा माप्य दुधकोशी गाउँपाली २ को किरण राई, श्रीमती ज्योति राई र झापाका गाडी घनी खेमराज कटुवाल गम्भीर घाइते भएका बताइएको प्रहरिजवान बिनोद भुजेलले बताए ।

सबै घाइतेहरुलाई प्रहरिले उद्वार गरी ओखलढुङ्गाको मिशन हस्पिटलमा उपचार गराइरहेको प्रहरी जवान भुजेलले बताए ।