गाउँपालिका महोत्सवको तयारी अन्तिम चरणमा

गाउँले न्युज, थुलुङदुधकोशी गाउँपालिकामा आयोजना हुन लागेको गाउँपालिका महोत्सव तथा अध्यक्ष रनिङ शिल्ड भलिबल प्रतियोगीताको तयारी अन्तिम चरणमा पुगेको थुलुङदुधकोशी गाउँपालिका अध्यक्ष असिम राईले बताए ।

मंसिर ५ गते देखी ८ सम्म सन्चालन हुने कार्यक्रमको तयारी सबै पुरा भएको अध्यक्ष असिम राईले बताए । “पर्यटन वर्ष २०२०” लाई लक्षित गरि आयोजना गरिएको कार्यक्रममा जिल्ला भित्रका विभिन्न स्थानीय तहका खेलाडीले सहभागीता जनाउने आयोजकले जनाएको छ । खेलकुदको साथमा मनोरञ्जनात्मक कार्यक्रम सहितको महोत्वसकै माध्यमबाट गाउँपालिकामा करिब १ लाख पर्यटक भित्र्याउने लक्ष्य रहेको अध्यक्ष राईले बताए ।

उक्त कार्यक्रममा स्थानीय खानाको परिकार देखी वरिष्ठ गायक शम्भु राई, हाँस्य कलाकार फुलन्देकी आमा (उमेश राई) लगाएत स्थानीय कलाकारको प्रस्तुती रहने आयोजकले जनाएको छ । कार्यक्रममा सोलुखुम्बुका संघिय सांसद हेमकुमार राई (शुरबीर), प्रदेश सांसद उत्तम कुमार बस्नेत, प्रदेश सांसद एवम् प्रदेश नम्बर १ का नेकपा संसदिय दलका प्रमुख सचेतक बुद्धिकुमार राजभण्डारी, सोलुखुम्बु जिल्लाकाभरिका गाउँपालिका प्रमुख, जिल्ला स्तरीय नेता लगाएतको उपस्थिति रहने आयोजकले जनाएको छ ।

अध्यक्ष रनिङशिल्ड अन्तरगत वडा स्तरीय खुल्ला पुरुष तथा महिला भलिबल प्रतियोगिता, महिला पुरुष हाफ म्याराथुन, नृत्य तथा एकल ट्रयाक गायन लगायतका प्रतियोगिता हुने आयोजकले जनाएको छ ।