- TRENDING
- ENGLISH
हालको खबर
नारायणगढबाट बाग्लुङको लागि छुटेको बस बन्दीपुरमा दुर्घटना १९ जना घाइते
गाउँले न्युज, १९ साउन, काठमाण्डौ । चितवनको नारायणगढबाट बाग्लुङ जाँदै गरेको तनहुँको बन्दीपुर गाउँपालिका-५ ढाँपमा आज आइतबार विहान बस दुर्घटना हुँदा १९ जना घाइते भएका छन् ।
तनहुँको बन्दीपुर गाउँपालिकामा बा ४ ख ५९८८ नम्बरको बस अनियन्त्रित भएर दुर्घटना हुँदा बसमा सवारी १९ यात्रु घाइते भएको इलाका प्रहरी कार्यालय डुम्रेले जानकारी दिएको छ ।
घाइते मध्ये २ जनाको अवस्था गम्भीर छ । १ जनालाई थप उपचारका लागि पोखरा पठाइएको स्थानिय प्रहरी कार्यालयले जनाएको छ । अन्य १८ जना घाइतेको लक्ष्मी अस्पताल डुम्रेमा नै उपचार भैरहेको छ । बसमा ३३ जना यात्रु सवार थिए ।
