गाउँले न्युज, ६ साउन, काठमाडौं । नेपाली काँग्रेस अनुशासण बिभागले सोलुखुम्बुका २० जना नेता तथा कार्यकर्तालाई पार्टीबाट निष्काशित गरेको छ ।
२०७४ सालमा सम्पन्न तीनवटै निर्वाचनमा वागी उमेद्वार, प्रस्तावक तथा समर्थक बसी पार्टीलाई असहयोग गरेको भन्दै कांग्रेसको केन्द्रीय अनुशासन समितिको सोमबार बसेको बैठकले निष्काशन गरेको हो । निर्वाचनमा पार्टीका आधिकारिक उमेदवारलाई असहयोग गर्ने देशैभरिका उमेद्वार, प्रस्तवक र समर्थलाई निस्कासन गरेको हो ।
अनुशासन समितिका संयोजक भीष्मराज आङ्दम्बेका अनुसार निर्वाचनमा पार्टीको आधिकारिक उमेदवार विरुद्ध वागी उमेदवार बनेका, निजका प्रस्तावक र समर्थक तथा अन्य पार्टीमा गई विभिन्न तहमा उमेदवारी दिएका नेता तथा कार्यकर्ताहरुलाई पार्टीको विधान बमोजिम कारबाही गरिएकोे हो ।
निर्वाचनमा वागी उमेदवारी दिएका, निजका प्रस्तावक र समर्थक तथा अन्य पार्टीमा गएर उमेदवारी दिएकाहरुको नामावली केन्द्रमा पठाउन अन्य जिल्लाहरुलाई पनि अनुशासन समितिले तत्काल नामावली पठाउन पुनः निर्देशन दिएको संयोजक आङ्दम्बेले जनाकारी दिए ।
समितिले यसअघि पनि विभिन्न जिल्लामा चुनावमा असहयोग गरेका नेता–कार्यकर्ताहरुलाई पार्टीबाट निष्कासन गरेको थियो ।

यी हुन पार्टीबाट निष्कासित नेता–कार्यकर्ताहरु