सोलुबाट काठमाण्डौको लागि छुटेको स्कोरपियो दुर्घटना, ८ जना घाइते

गाउँले न्यूज, ३२ जेष्ठ, सोलुखुम्बु । सोलुखुम्बु बाट काठमाण्डौको लागि छुटेको स्कोरपियो ओखलढुंगाको मानेभज्याङ गाउँपलिका ६ डढुवामा दुर्घटना भएको छ । दुर्घटना हुदाँ ८ जना घाइते भएका छन् । घाइते मध्ये दुई जनाको अवस्था गम्भीर रहेको प्रहरीले जनाएको छ ।

काठमाडौंका लागि छुटेको ना १ ज ५८४० नम्बरको स्कोरपियो ब्रेक फेल भएर सडकको भित्तामा ठोकिएर पल्टिएको जिल्ला प्रहरी कार्यलय ओखलढुंगाका प्रमुख प्रहरी नायब उपरीक्षक पुष्पराज मल्लले बताए ।

दुर्घटनामा घाइते हुनेहरुमा सुनकोशी गाउँपालिका १० का अन्दाजी ३६ बर्षीय उत्तम गिरी र स्थाई घर दाङ भएका सुनकोशी ७ बस्ने ३२ बर्षीय चित्र बहादुर चौधरीको स्तिथी नाजुक रहेको प्रहरिले जनाएको छ । उनीहरुको उदयपुरको घूर्मी स्थित आस्था मेडिकल कलेजमा सामान्य उपचारपछि थप उपचारका लागि नेपाली सेनाको हेलिकप्टरमार्फत काठमाडौं पठाइएको ओखल्ढुङ्गा प्रहरीले जनाएको छ ।
अन्य घाइतेहरुको घूर्मी स्थित आस्था मेडिकल हलमा उपचार भैरहको छ । उनीहरुको अवस्था सामान्य रहेको जनाइएको छ ।