गाँउपालिक स्तरीय अन्तर मा.वि.राष्ट्रपति रनिङ शिल्ड शुरु, ३ अङ्क सहित हिमालय माबी अग्र स्ठानमा

गाउँले न्यूज, ३ जेष्ठ, सोलुखुम्बु । माप्य दुधकोशी गाँउपालिकामा गाँउपालिक स्तरीय अन्तर मा.वि.राष्ट्रपति रनिङ शिल्ड प्रतियोगिता शुरु भएको छ ।
माप्य दुधकोशी गाँउपालिका ३ स्थित हिमालय मा.वि.मा आजबाट सञ्चालन भएको खेलकुद प्रतियोगितामा हिमालय मा.वि.३ अङ्क सहित अग्रपङ्तिमा छ, बराबरि २ अङ्क सहित खाली माबी र काकु माबी दोस्रो स्थानमा छन भने १ अङ्क सहित तेश्रो स्थानमा सगरमाथा माबी रहेको छ ।

आज सञ्चालन भएको खेलकुद प्रतिायोगितामा पुरुष भलिवल तर्फ सगरमाथा मा.वि.माप्य दुधकोशी गाँउपालिका प्रथम, काकु मा.वि. माप्य दुधकोशी गाउँपालिका ४ द्धितीय र हिमालय मा.वि.माप्य दुधकोशी गाँउपालिका तृतीय स्थान हासिल गरेकाछन् ।
सटफूटमा पुरुष तर्फ प्रथम, द्धितीय र तृतीय क्रमश काकु मा.वि., हिमालय मा.वि.र जुभिङ मा.वि.स्थान हासिल गरेका छन भने महिला तर्फ काकु मा.वि, खालि मा.वि.र हिमालय मा.वि.ले क्रमश प्रथम, द्धितयि र तृतीय स्थान हासिल गरेका छन् ।
३ हजार मिटर दौडमा पुरुष तर्फ क्रमश प्रथम, द्धितीय र तृतीय हिमालय मा.वि., जुभिङ मा.वि.र बासा खालि मा.वि.ल. स्थान हासिल गरेका छन् ।
माप्य दुधकोशी गाँपालिका अध्यक्ष बुद्धि किरण राईको अध्यक्षतामा सञ्चालन भएको कार्यक्रममा गाँउपालिकाका सबै वडा अध्यक्ष विद्यालयका प्रधानाध्यपक बुद्धिजिवि तथा विद्यार्थीहरुको बाक्लो उपस्तिथि रहेको थियो ।