नेपाल वायुसेवा निगमको फाप्लु काठमाडौ उडान थप

गाउले सम्बाददाता

गाउँले न्यूज, १५ चैत्र, सोलुखुम्बु । नेपाल वायुसेवा निगमले फाप्लु काठमाडौ उडान थप गरेको छ । निगमले आफ्नो नियमित उडान तालिका परिवर्तन गर्दै आउदो (अप्रिल १) चैत्र १८ गते देखि लागु हुने गरी तालिका परिर्वतन गरेको छ । हाल हप्तामा २ दिन आईतबार र बुधबार हुदै आएको उडान (अप्रिल १) चैत्र १७ देखि आइतबार, मंगलबार र शुक्रबार उडान हुने भएको नागरिक उड्यन प्राधिकरणले जनाएको छ ।

विहान ७:०० बजे गर्दै आएको उडान समेत परिर्वतन भई ८:०० बजे उडान हुने भएको छ । त्रिभुवन अन्तराष्ट्रिय विमान स्थल मर्मतका लागी राति १० बजेदेखि विहान ८ बजे सम्म विमान स्थल बन्द हुने भएकाले विहानको समय समेत परिर्वतन हुने नेपाल वायुसेवा निगम फाप्लुका इन्चार्ज गणेश श्रेष्ठले जानकारी दिए ।

पर्यटकिय सिजन सुरु भए लगतै यात्रुको चापलाई मध्यनजर गरि हप्तामा एक दिन थप उडान थपिएको श्रेष्ठले बताए ।