सोलुखुम्बुबाट काठमाण्डौ उडेको हेलिकोप्टरमै जन्मियो शिशु
गाउँले न्यूज, २१ माघ, काठमाडौं । सोलुखुम्बुबाट काठमाडौं उडेको हेलिकप्टरमा एक शिशुको जन्म भएको छ । गर्भवति महिला लिएर काठमाडौं आउँदै गर्दा आकाशमै एक शिशुको जन्म भएको हो ।
विहान सोलुको नुन्थलाबाट उडेको कैशाल हेलिकोप्टरमा काठमाडौं आउँदै गरेकी कञ्चन तामाङकी श्रीमती नोर्साङ डोल्मा शेर्पाले छोरा जन्माएकी हुन् ।
कैलाश हेलिकोप्टरका अपरेसन इन्चार्ज श्रीहरि कुइँकेलका अनुसार भक्तपुर आसपास अँइपुगेपछि शिशुको जन्म भएको हो । आमा र बच्चा दुबैलाई हाल भक्तपुर अस्पतालमा राखिएको छ ।
