गोरु काटेको आरोपमा पक्राउ परेकालाई सम्मान

admin

धरान, ४ पुस । गोरु काटेको आरोपमा पक्राउ परेकालाई सुनसरी जिल्ला अदालतको आदेशमा धरौटी राखेर तारेखमा रिहा भएपछि भव्य स्वागत तथा सम्मान गरिएको छ ।

सांस्कृतिक अधिकार संरक्षण समितिले धरान ११ स्थित मंगलबारे चोकमा बुधाबार एक कार्यक्रम गरी धरौटी बुझाएर रिहा भएका १० जनालाई सम्मान गरेको थियो । मंसिर २८ गते पक्राउ परेकाहरुलाई मंगलबार जिल्ला अदालतले जनही ५० हजार धरौटी राखेर तारेखमा रिहा गर्न आदेश दिएको थियो ।

सम्मान कार्यक्रममा आदिवासी जनजाति सम्बद्ध विभिन्न संस्था तथा राजनीतिक दलका नेताहरुको पनि उपस्थिति रहेको थियो । उनीहरुलाई फूलमाला र अविर लगाएर सम्मान गरिएको थियो । कार्यक्रममा बक्ताहरुले मौलिक संस्कृतिमाथि प्रहार गर्न नहुने बताएका थिए । संविधान र ऐनमा बाँझिएका कानुन सच्चाउन समेत माग गरिएको थियो ।

ईमकालु अनलाईन