काठमाडौं–भूकम्पले थङ्थिलो पारेको सिंहदरबारको पूरानो तथा मुख्य भवनमा ‘स्काफ फोल्डिङ’ अर्थात भवनको वरीपरी फलामको बार लगाउन मात्रै करीब १ करोड ४६ लाख खर्च भएको छ ।

पुनर्निर्माण प्राधिकरणको आवास, वस्ती विकास तथा स्थानीय पूर्वाधार महाशाखाका सह–सचिव राजुमान मानन्धरका अनुसार सिंहदरबारको रेट्रोफिटिङ अर्थात प्रवलीकरण योग्य छ कि छैन भनेर अध्ययन गर्नका लागि स्काफ फोल्डिङ गरिएको हो ।

अध्ययनपछि सिंहदरबारको उक्त भवन भत्काउनुपर्यो भने स्काफ फोल्डिङका लागि खर्च गरिएको डेढ करोड रुपैयाँ बालुवामा पानी हालेसरह हुनेछ ।