हुम्लामा कृषि उत्पादनका लागि ७५ हिउँ पोखरी

admin

कचहरी डट कम, हुम्ला ।। हुम्लामा कृषि उत्पादनमा वृद्धि गर्नका लागि जिल्लामा पहिलो पटक ७५ हिउँ पोखरी स्थापना गरिएको छ । यसबाट किसानले चाहेको समयमा सिंचाई गर्न सक्ने भएका छन् ।

हुम्लाको विविधतायुक्त भूगोलको लागि यो उपयुक्त प्रविधिले कृषि उत्पादनमा सहयोग पुग्ने भएको छ । जसबाट तरकारी, फलफुल तथा अन्य विभिन्न प्रकारका खेतीपातीको उत्पादन बढ्ने देखिएको छ ।

जिल्ला कृषि विकास कार्यालय हुम्लाले यो वर्ष आवश्यक पर्ने सिलपोलिन सिट, प्राविधिक सहयोग र अन्य परामर्श सेवा निःशुल्क दिने जानकारी उक्त कार्यालयका प्राविधिक सहायक बल बहादुर फडेराले दिए ।

जिल्लाभरी छनौट भएका तरकारी, आलु, सिमी, स्याउ र अन्य पकेट क्षेत्र भएका सक्रिय किसानहरुलाई यो प्रविधिले राम्रो सहयोग गर्ने देखिएको छ ।

यो वर्ष जिल्लाभरी ७५ वटा हिउँपोखरीको लागि सामान जिल्ला कृषि विकास कार्यालय हुम्लाले वितिरण गरेको छ ।