- TRENDING
- ENGLISH
हालको खबर
कमेडी किङ कपिलको ‘ फिरंगीको ‘ पहिलो चरणको सुटिङ पूरा
काठमाडौं,फागुन ६ –
भारतीय सिने उद्योगका कमेडी किङ कपिल शर्माले आफ्नो आगामि चलचित्र फिरंगीको पहिलो चरणको सुटिङ पूरा गरेका छन् । यसको जानकारी कपिल आफैँले ट्वीटर एकाउन्टमा दिएका छन् । उनी यो चलचित्रबाट निर्माणको क्षेत्रमा पाइला राख्नेछन् ।
कपिलले बिकानेरमा पहिलो चरणको सुटिङ पूरा भएको जानकारी दिँदै भने, “धेरै माया, न्यानोपन, भुजिया र पापडका लागि धन्यवाद बिकानेर । मेरो ब्याग भरियो ।”
यो चलचित्रलाई कपिलका बालसखा राजिव डोंगराले निर्देशन गरिरहेका छन् । यसअघि राजिवले पञ्जावी लचचित्र ‘लब पंजाब’ बनाइसकेका छन् । ‘फिरंगी’ मा कपिलको अपोजिट इशिता दत्ता शीर्ष भूमिकामा हुनेछिन् ।
