काठमाडौ,फागुन २-

त्रिभुवन विश्वविद्यालयका शिक्षाध्यक्ष सुधा त्रिपाठीको गाडीमा अज्ञात समूहले आगजनी गरेको छ।  त्रिपाठी स्वयम् चढेको बा २ च ५६५० नम्बरको गाडीमा सोमबार बिहान यूएन पार्क नजिकै आगजनी भएको जिल्ला प्रहरी कार्यालय ललितपुरले पुष्टि गर्‍यो। आगो स्थानीयको सहयोगमा नियन्त्रणमा लिइएको प्रहरीले जनाएको छ। आगजनी कसले र किन गर्‍यो भन्ने खुल्न सकेको छैन। संलग्नहरुको खोजी कार्य जारी रहेको प्रहरीले जनाएको छ।