ग्रेट एफएमले मनायो चौथो वार्षिकोत्सव, अक्षय कोषका लागि ७७ हजार हस्तान्त्रण
सन्तोष भण्डारी,
चितवन, माघ २९–
पूर्वी चितवनको खैरहनी नगरपालिका–८ पर्सा बजारमा रहेको ग्रेट एफ.एम १०६.४ मेगाहर्जले आज आफनो गौरवमय चौथो वार्षिकोत्सव–२०७३ मनाएको छ । चर्चित राष्ट्रिय साहित्यकार कबि नबराज पराजुली प्रमुख अतिथि रहनु भएको कार्यक्रममा चितवनका बिभिन्न साहित्यकार कबिहरुले आफनो कविता प्रस्तुत गरेका थिए ।
कार्यक्रममा चौथो खिचरा महोत्सबबाट चटपट तथा पानी पुरी बिक्री गरेर प्राप्त भएको ७७ हजार रुपैयाँ खैरहनी उ.मा.वि जन्मोत्सव तथा स्मृत्ति छात्रवृत्ती अक्षयकोषका अध्यक्ष मुरलीप्रसाद गजुरेललाई हस्तान्त्रण गरिएको थियो । सो कार्यक्रममा उत्कृष्ट बिज्ञापन दाता बिनोद नेपाल, खिचरा महोत्सबमा चटपट बनाएर सहयोग गर्ने जेठा दाई, अन्जली चौधरी, सन्जीता चौधरी, खैरहनी उच्च मा.वि जन्मोत्सव तथा स्मृती छात्रवृती कोषका अध्यक्ष मुरली प्रसाद गजुरेल, मेगा पोलीक्लीनीक प्रा.लीलगायतलाई मायाको चिनो बितरण गरिएको थियो ।
कार्यक्रममा नेपाली काँग्रेसका नगर सभापति शशी खनीयाँ, नेकपा एमालेका नगर अध्यक्ष राजेन्द्र सिवाकोटी, नेकपा माओवादी केन्द्रका नगर प्रतिनिधि लक्ष्मी ढकाल, मधेसी जनअधिकार फोरमका नगर प्रतिनिधि चुडामणी चौधरी, राप्रपाका नगर प्रमुख एनप्रसाद डल्लाकोटी, सदभावना पार्टीका राजकुमार बर्तौला, नेकपा मालेका कृष्ण थपलीया लगाएत उपस्थीत रहेका थिए । कार्यक्रम ग्रेट एफएमका अध्यक्ष बालकृष्ण अर्यालको अध्यक्षतामा सम्पन्न भएको हो ।
