- TRENDING
- ENGLISH
हालको खबर
भोलिदेखि बिशाल बिष्ट स्मृति लिबर्टी कप सुरु
काठमाडौं, माघ २९ –
लिबर्टी कलेज तथा बिशाल बिष्ट स्मृति प्रतिष्ठानको आयोजनामा फागुन १ गते आइतबारदेखि काठमाडौंमा अन्तर कलेज ‘बिशाल बिष्ट स्मृति लिबर्टी कप २०१७’ फुटवल प्रतियोगिता हुने भएको छ ।
सात दिनसम्म चल्ने प्रतियोगितामा सेमिफाइनल सम्मका सम्पूर्ण खेलहरु च्यासल युवा क्लबको खेल मैदानमा र फाइनल खेल दशरथ रंगशालामा हुनेछ ।
२० वटा भन्दा बढि कलेजको सहभागिता रहने प्रतियोगिताको विजेताले ५० हजार रुपैयाँ, दोस्रो हुनेले २५ हजार रुपैयाँ र तेस्रो हुनेले १० हजार रुपैयाँ पुरस्कार पाउने लिबर्टी कलेजकी राधा भण्डारीले जानकारी दिनुभयो । खेलकुदको विकास तथा युवाहरुको आपसी सम्बन्ध विकासको पाँच बर्षदेखि प्रतियोगिता हुँदै आएको छ ।
