- TRENDING
- ENGLISH
हालको खबर
चारजनाले अन्धाधुन्ध खुकुरी प्रहार, एकजना घाइते
रसुवा, माघ २८ –
रसुवाको सदरमुकाम धुन्चेमा चारजनाको समूहमा आएकाले अन्धाधुन्ध खुकुरी प्रहार गर्दा थुमन–९ दाहालफेदीका २५ वर्षका बुद्धिबहादुर तामाङ गम्भीर घाइते भएका छन् ।
घाइतेको जिल्ला अस्पताल धुन्चेमा उपचार भैरहेको र थप उपचारका लागि काठमाडौं पठाउने तयारी भएको जिल्ला प्रहरी कार्यालय रसुवाले जनाएको छ ।
प्रहरी नायव उपरीक्षक फणिन्द्र प्रसाइँका अनुसार तामाङको टाउको र हातमा गम्भीर चोट लागेको छ । घटना शुक्रबार बिहान साढे ११ बजेतिर भएको हो ।
चार जनाको समूहमा खुकुरी लिएर आएकाले सडकबाट लखेटेपछि भाग्ने क्रममा निश्वास अन्डरग्राउण्ड क्याफेमा पसेपछि तामाङमाथि अन्धाधुन्ध खुकुरी प्रहार भएको प्रत्यक्षदर्शीले बताएका छन् । घटनामा संलग्न रहेकाहरुको अनुसन्धान तथा खोजी भैरहेको प्रहरीले जनाएको छ ।
