चितवन, माघ २४–

चितवनको भरतपुस्थित मालपोत चोकमा आजबाट सनातन स्वीट्स एण्ड बेकर्स औपचारिक रुपमा संचालनमा शुभारम्भ भएको छ ।
आज एक कार्यक्रमकाबीच आर्ट अफ लिभिङका गुरु पवन नेपाल, सशस्त्र प्रहरी बल, सीमा सुरक्षा कार्यालय आँपटारीका प्रहरी उपरीक्षक श्याम कोइराला र दी फेमश महेन्द्र दल गणका प्रमुख सेनानी सुरेन्द्र सापकोटाले संयुक्त रुपमा सनातनको उद्घाटन गर्नुभयो । नेपालले रिवन काट्नु भएको थियो भने कोइराला र सापकोटाले दीप प्रज्वलन गर्नुभएको थियो । कार्यक्रममा उद्योग वाणिज्य संघ चितवनका अध्यक्ष राजन गौतम विशिष्ठ अतिथि रहनु भएको थियो ।
पछिल्लो समय नेपालमा मानिसहरु शाकाहारी बन्ने क्रम बढ्दो छ । तर विशुद्ध शाकाहारी खाद्य पदार्थ पाउनै मुश्किल छ । यही समस्या समाधानको मध्यनजर गर्दै
विभिन्न पेशा व्यवसाय सम्हाल्दै आएका मूख्य तीन युवाले सनातन हस्पिटालिटी म्यानेजमेन्ट प्रा.लि. मार्फत सनातन स्वीट्स एण्ड बेकर्स संचालनमा ल्याएका हुन् ।
विशुद्ध शाकाहारी खानेकुरा पाउनै मुश्किल भईरहेको अवस्थामा शाकाहारी लक्षित सनातन स्वीट्स एण्ड बेकरी संचालनमा ल्याएको सनातन हस्पिटालिटी म्यानेजमेन्ट प्रा।लि।का अध्यक्ष मनिष सापकोटाले बताउनुभयो । उहाँले आगामि दिनमा जिल्लाका अन्य स्थानहरुमा पनि प्रोजेक्ट विस्तार गर्दै अघि बढ्ने जानकारी दिनुभयो ।
सनातन स्वीट्स एण्ड बेकर्समा ग्राहकहरुले खान मात्र होइन बास बस्न समेत पाउने छन् । सो भवनको माथिल्लो तलामा वातानुकुलित १० वटा कोठाहरु तयार पारिएको सनातन हस्पिटालिटी म्यानेजमेन्ट प्रा.लि.का कार्यकारी निर्देशक विकास सापकोटाले जानकारी दिनुभयो ।
सनातन स्वीट्स एण्ड बेकरीमा भारतबाट समेत दक्ष व्यक्ति ल्याइएको छ । उनीहरुले नेपाली युवाहरुलाई विभिन्न परिकार बनाउन सिकाई रहेका छन् । हाल ४० जनाले प्रत्यक्ष रोजगारी पाई स्वीट्सलाई अघि बढाई रहेको अर्का निर्देशक राम रिजालले जानकारी दिनुभयो ।
सनातनबाट नेपाली, भारतीय, दक्षिण भारतीय र चाईनिज खानाहरु समेत उपलब्ध छन् ।
उद्घाटन कार्यक्रम सनातन हस्पिटालिटी म्यानेजमेन्ट प्रा.लि.का अध्यक्ष मनिष सापकोटाको अध्यक्षतामा सम्पन्न भएको थियो ।