चितवनमा छुट्टा–छुट्टै दुर्घटनाः पाँच घाईते

चितवन, माघ २१–

चितवनमा आज भएको छुट्टाछुट्टै दुर्घटनामा परि पाँच जना घाईते भएका छन् ।

जिल्लाको भरतपुर–६ धर्मचोक स्थित ना १४ प ३४३३ नम्बरको मोटरसाईकल र विपरित दिशाबाट आउँदै गरेको ना १२ प ६७९ नम्बरको मोटरसाईकल एक आपसमा ठक्कर खाँदा दुवै मोटरसाईकल चाकल घाईते भएका छन् । उनीहरु दुवैको चितवन मेडिकल कलेजमा उपचार भएको छ । घाईते हुनेमा ना १४ प ३४३३ नम्बरका मोटरसाइृकल चालक भरतपुर– १६ बस्ने वर्ष २० का सोनाम नेपाली र ना १२ प ६७९ नम्बरका मोटरसाईकल चालक भरतपुर–४ बस्ने वर्ष ४० का किरण मुल्मी रहेका छन् ।

यस्तै कविलाश गाविस–२ दासढुङ्गा स्थित माईक्रोले मोटरसाईकललाई ठक्कर दिँदा एक जना घाईते भएका छन् । मुग्लिनबाट नारायणगढ तर्फ आउदै गरेको बा ६९ प ५८३२ नम्बरको मोटरसाईकललाई सोहि दिशाबाट आउदै गरेको बा ४ ख ७४४ नम्बरको माईक्रोले पछाडिबाट ठक्कर दिदा मोटरसाईकल चालक काठमाण्डौ खुमटार १४ बस्ने वर्ष २९ को दिनेश आचार्य घाईते भएका छन् । उनको चितवन मेडिकल कलेजमा उपचार भईरहेको प्रहरीले जनाएको छ ।

यसैगरि आजै भरतपुर–१०स्थित चितवन मेडिकल कलेज अगाडि ना २८ प ८१६८ नम्बरको स्कुटीले दुई जना पैदलयात्रीलाई ठक्कर दिएको छ । उनीहरुको चितवन मेडिकल कलेजमा उपचार भईरहेको छ । स्कूटीको खोजी कार्य भईरहेको प्रहरीले जनाएको छ ।