चितवन, माघ १६–

भूमी सुधार तथा व्यवस्था मन्त्री विक्रम पाण्डेलाई पितृ शोक परेको छ ।
मन्त्री पाण्डेका बुबा चन्द्रराज पाण्डेको ९७ वर्षको उमेरमा आज विहान निधन भएको हो । उहाँको काठमाडौंस्थित निवासमा निधन भएको परिवारजनले जनाएको छ । चितवन निवासी पाण्डे परिवार काठमाडौंमा बसोबास गर्दै आईरहेको छ ।
हिजो मात्रै विभिन्न कार्यक्रम लिएर चितवन आउनु भएका मन्त्री पाण्डे दुःखद घटनापछि आज विहानै काठमाडौं प्रस्थान गर्नुभएको छ । स्वर्गीय पाण्डेका ६ छोरा र २ छोरी छन् । मन्त्री पाण्डे छोराहरु मध्यका जेठो हुन् ।