हलिउड क्वीन्स फेस्टिवलमा अवार्ड जितेको नेपाली सिनेमाको यस्तो छ गीत र ट्रेलर (भिडियो सहित)

काठमाडौं, माघ १५ –

आगामी २८ गते रिलिज हुने सिनेमा डाइङ क्यान्डल धेरै दर्शकको प्रतिक्षाको सिनेमा हो । शनिबार सिनेमाको दुईवटा ट्रेलर र गीत सार्वजनिक गरिएको छ ।

हलिउडको क्वीन्स फेस्टिवलमा अवार्ड जितेपछि डाइङ क्यान्डलको चर्चा र अपेक्षा अझै बढेको छ । नरेश केसी निर्देशित यो सोसल ड्रामाले एक महिलाभित्रको मूल्य र संवेदना खोतल्ने प्रयत्न गरेको निर्माण युनिटले जनाएको छ । सिनेमामा सिर्जना सुब्बा, सौगात मल्ल र अर्पण थापाको अभिनय हेर्न पाइन्छ । ‘दीदी र भाइको आत्मीय सम्बन्धलाई चित्रण गरिएको छ । सिरियस दर्शकले फिल्म रुचाउनेछन्’ निर्देशक केसीले भने । फिल्मबाट रविन आचार्यले क्वीन्स फेस्टिभलमा छायांकन विधामा उपाधी जितेका थिए ।

सिनेमामा लाक्पा सिंगी तामाङ, विद्या कार्की र केशव राई समेत मुख्य भूमिकामा छन् । उत्तम केसी, रविन आचार्य र केसी निर्मित फिल्ममा डेल सम्नरको संगीत, भुपेन्द्र अधिकारीको सम्पादन छ ।