बाँदरझुलालाई ५ नम्बर क्षेत्र बाहिरै राखिन्छः मन्त्री पाण्डे

admin

चितवन, माघ १५–

भुमी सुधार तथा व्यवस्था मन्त्री विक्रम पाण्डेले चितवनको माडीमा रहेको बाँदरझुला बस्तीलाई स्थानान्तरण गर्ने प्रक्रिया अन्तिम चरणमा पुगेको बताउनुभएको छ ।
आज भरतपुर विमानस्थलमा संचारकर्मीहरुसंग कुरा गर्दै मन्त्री पाण्डेले बाँदरझुला बस्तीलाई स्थानान्तरण गर्ने निर्णय मन्त्रीपरिषद्बाट पारित भईसकेको जानकारी दिँदै अब छिट्टै बस्ती स्थानान्तरण गराईने जानकारी दिनुभयो । उहाँले बाँदरझुला बस्तीलाई चितवन क्षेत्र नम्बर ५ बाहेकका क्षेत्रमा स्थानान्तरण गर्ने निर्णय भएको जानकारी दिनुभयो । “पाँच नम्बर भित्र स्थानान्तरण गर्दा निर्वाचन लक्षित भनेर आरोप लाग्न सक्छ, त्यसैले मेरो निर्वाचन क्षेत्र बाहिर नै स्थानान्तरण गर्दैछौं्”–मन्त्री पाण्डेले भन्नुभयो ।
मन्त्री पाण्डेले केहीदिन भित्रमै चितवनमा मालपोत र नापी कार्यालयको सेवा कार्यलय विस्तार गरिने जानकारी दिनुभयो ।