चितवनमा छुट्टाछुट्टै दुर्घटनाम चार घाईते

admin

चितवन, माघ १४–

चितवनमा आज भएको छुट्टा–छुट्टै दुर्घटनामा परि चार जना घाईते भएका छन् ।

आज भरतपुर–१० स्थित वीरेन्द्र बहुमुखी क्याम्पस अगाडि ना २५ प ६१९१ मोटरसाईकलले ठक्कर दिँदा एक जना पैदलयात्री घाईते भएका छन् । घाईते हुनेमा भरतपुर–१० स्थित चौविसकोठीमा बस्ने वर्ष ५२ कमल थापा रहेका छन् । उनको अवस्था मध्यम रहेको छ । उनको चितवन मेडिकल कलेजमा उपचार भएको छ । मोटरसाईकल चालक प्रहरी नियन्त्रणमा रहेका छन् ।

यसैगरि आजै भरतपुर–२ क्षेत्रपुर स्थित ना ३१ प २०९१ नम्बरको मोटरसाईकलले साईकल यात्रीलाई ठक्कर दिदा साईकल र मोटरसाईकलमा सवार तीन जना घाईते भएका छन् । घाईते हुनेमा साईकल यात्री भरतपुर–११ बस्ने वर्ष २० का मेजन बावु गैरे, मोटरसाईकल चालक भरतपुर–२ क्षेत्रपुर बस्ने
वर्ष २१ का रूपेन गुरूङ र पछाडी सवार वर्ष २० का सतीस थापा रहेका छन् । उनीहरुको अवस्थामध्यम रहेको चितवन प्रहरीले जनाएको छ ।