स्वार्थ त्यागेर चितवनको विकासमा लाग्नुपर्छः पुरी

चितवन, माघ ८–

राप्रपा चितवनका प्रवक्ता जीवलाल पुरीले चितवन बिकासको लागी राजनीतिक स्वार्थभन्दामाथी उठेर एकिकृत दृष्टिकोण आवस्यक रहेको बताउनुभएको छ ।

कालिका नगरपालिका–४ कालिका स्थित कालिका भगवतीमाई नित्य पूजा तथा धार्मीक वन ब्यवस्थापन समितीको नवौ साधारणसभा र चौथो अधिवेसनको उद्घाटन गर्दै उहाँले राजनीतिक पार्टी जुनसुकै भएपनि स्वार्थ भन्दामाथी उठेर बिकाश गर्नको लागी सबैमा आग्रह गर्नुभयो । उहाँले आफ्नो भाषा संस्किृती जोगाउनको लागी र समग्र चितवनको बिकासको लागी आफु सधैव लागी पर्ने प्रतिबद्धता जनाउनुभयो ।

कालिका भगवतीमाई नित्य पूजा तथा धार्मीक वन ब्यवस्थापन समितीका अध्यक्ष ईमप्रसाद अधिकारीको सभापतित्वमा सम्पन्न भएको सो कार्यक्रममा वक्ताहरुले चितवनको पर्यटन बिकासका लागी कालिका मन्दिरलाई पर्यटकिय क्षेत्र बनाउनुपर्ने र यहाँको ठाउँलाई पिकनिक स्थलको रुपमा बिकास गर्नुपर्ने धारणा राखेका थिए ।